05.09. Üses Hotel 'Club Quaters' chan mer nur witerempfehle. Modern, suber, anere guete Lag, grad nebet emene Pub,...Trotz em guete Hotel händ mir wegem Jetlag nöd lang chöne usschlofe. So händ mir richtig viel Ziet gha a üsem erste Tag in San Francisco alles zerkunde und usprobiere.
Dank em Tipp vo de Andrea händ mir üsi Alcatraz Tour bereits vor üsne Ferie buechet. Süs wär d Besichtigung nur vo wietem möglich gsi.
Lombard Street - leider grad uf de andere Siete... In San Francisco bliebt mer fit!
Am liebste würdet alli mit em Auto abefahre... so schlimm! I de Schweiz wär das sicher e Fuessgängerzone.
A üsem 2. Tag stärchet mir üs bi de Bäckerei Burdin. Nöd verpasse, falls Ihr au mol in SFO sind!
S Wetter chönd nöd besser si. Drum mietet mir üs es Velo, fahret zu de Golden Gate Bridge, uf die anderi Siete zumene Ussichtspunkt, zrugg a de Küste entlang zum Golden Gate Park, Hügel deruf - Hügel derab und bi de Fisherman's Wharft gebet mir s Velo wieter zrugg. Uffff... astrengend gsi....
schöne Blick uf San Francisco
Jetzt gohts gmüetlich mit de Cable Car Linie 'Powell Hyde Line' vom Pier zum Union Sqare. So es Erlebnis!07.09. Am Obig Flüget mir mit de Virgin nach Las Vegas. S Hotel Luxor isch im erste Moment ganz idrücklich gsi (han jo detä die andere Hotel nonig gseh gha...)
Bim TIX4TONIGHT händ mir no günstig und spontan Tickets für e Show wölle chaufe. Leider isch d 'Cirque du Soleil believe' ganz anderst gsi, wie mirs üs vorgstellt händ.Defür isch s Obigesse bim Hotel Avia eimolig fein gsi.
Während dem ich s schöne heisse Wetter am Pool gnosse han, hät de Jürg sis ganze Budget bim Black Jack verspielt....
Zum Glück han ich echli meh Glück. Ein Isatz bi dere riessige Maschine und mir händ s verlorene Geld wieder zrugg gwunne - USD 160.--!!! :-)Jetzt reiset mir aber schnell wieter... bevor üs s Spielfieber wieder packt.
Mir fahret ines Outlet Center und profitieret vo dem tolle Dollarkurs.
Am Obig gnüsset mir old Las Vegas und übernachtet im Hotel Golden Nugget (USD 55.--). S chunt eim so vor, wies do nur Seniore hät.
09.09. Im Zion Nationalpark packet mir üse Rucksack und machet üs a d Wanderig vo de Grotto zum Ussichtspunkt Angel Landing (Uf em Foti de Punkt z oberst obe und z hinderst hine).Unglaublich, was mir do uf de Wanderig alles erlebt händ. Für üs Schwizer öbis vom normalste... en Ami muess do aber uf allne Viere ufe und abe chrüche.
Obwohl mir kei Engel gseh händ, isch die Wanderig eimolig schö gsi (Dauer ca 2.5 h).Am spote Nomittag machet mir üs uf de Weg zum Bryce Canyon. Döte isch es leider echli schwieriger gsi, e passendi Übernachtig zfinde. Im Motel Fosters (fosters@color_country.net) häts dänn doch no es Zimmer frei für üs - USD 75.--. Naja... Morn wönd mir früeh ufstoh und de Sunneufgang im Bryce Canyon gnüsse. Gemäss Hotelbsitzeri isch de Ufgang ca am 6si.
Mir stönd gnueg früeh uf (ca am füfi), demit mir um 5:50 bim Parkplatz vom Sunrise Point itreffet. S isch bitter chalt und stockfinster.
07:05 (beidi halb durfrohre)
Wanderig Navajo Loop (1 h)
Lake Powell
14:50 - Lower Antilope Canyonbi dem Bild würd mer nöd meine, dass so öbis unglaublich schös unter de Erde isch
Übernachtig im Best Western in Flagstaff (usd 89.--)
11.09. Im Grand Canyon machet mir d Wanderig Angels Trail bis zum 2. Resthouse (sehr strengi 3 Stunde Wanderig inere Schlucht vom Canyon).
Leider häts üs do nöd so guet gfalle... Isch total mit Touriste überfüllt gsi, d Wanderig chunt bi Witem nöd ad 'Angels Landing' im Zion ane, .... Für s nächste Mol müesst mer das echli besser plane und alles im vorus reserviere:- River Rafting von Page aus (Dauer ca 3 Tage)
- Wanderung bis Colorado River (Dauer ca 2 Tage) mit Übernachtig am River
SunsetÜbernachtig i de Red Feather Lodge in Grand Canyon (hundertfüfzg).
Überraschenderwies isch s Nachtesse im Sophie's Mexican Restaurant eifach super gsi!
Am nächste Tag fahret mir wieter zum Nationalpark Joshua Tree.
40 Grad - de Spaziergang Barker Dam (30 min) isch do grad s richtige :-)
Fahrt nach LA
15.09. Mittagesse im
The Farm of Beverly Hills
439 N. Beverly Dr
310-273-5578
warte lohnt sich!
Noch Sightseeing in Hollywood händ mir üs Santa Monica aglueget und döte es schös Hotel grad a de Seafront gfunde.
Bim Sonneuntergang händ mir dasmol üses Joggingtraining amene ganz speziell eimolige Ort chöne gnüsse. En Glücksmoment wo üs immer wird in Erinnerig bliebe.
Dänn es feins Nachtesse (ich han dörfe wähle - drum mol kei Junk Food) imene japanische Restaurant Buddha's Belly, 205 Broadway, Santa Monica CA 90401
16.09. Am nächste Tag gohts ab id Universal Studios in Hollywood! (au do e vorab Reservation empfehlenswert)
8-tung: für Angsthase wie d Isabel isch s House of Horrors überhaupt nüd. S nächste Mol lieber dusse warte...!Am Obig es romantischs Nachtesse bim Italiener Locanda del Lago (231 Arizona Avenue in Santa Monica). Monka & Rolf... danke viel viel Mol fürs Feriegeld!
Pier von Santa Barbara
18.09. Völlig underdressed ergatteret mir a üsem letsche Obig en Tisch bi de Cheescake Factory im Hafe vo Huntigton Beach. Mmmmmhhh.... fein! Empfehlenswert!Amerika, mir chömed sicher bald wieder!
